الموضوع دا عشان أقولكم حاجة جديدة غير اللى بنسمعها
يعنى ايه كل يوم نسمع ان البطالة بتزيد يوم ورا يوم ؟؟
أنابقى بسمع حاجة تانية خالص .. ان الشاب من دول يتخرج من أي كلية مش شرط التجارة يعنى والا حقوق وهو متأكد انه رايح يقعد فالبيت ويتفرج عالشهادة وهي متعلقة ولما يزهق هيقعد عالقهوة >>
يعنى نقدر نقول انه مخطط لنفسه ايه اللى ناوي يعمله بضبط >> عشان كدة بينفذ الخطة المتفق عليها ويعمل البطالة
أنا مش هانكر ان في بطالة فالبلد ولكن مش بالكمية الموجودة دي ، في كتير قدامهم شغل بس هم مستنيين الشغلانة اللي بتجيب الملايين من أول يوم أو مستنيين المكتب والكرسي وطبعا دا فى الظروف دي خيال .. بس شغل بسيط ممكن يتسلي بيه أحسن من القعدة عالقهوة وشرب السجائر
طيب أنا هقول معادلة صغيرة :
يعمل أي حاجة تجيب جنيه فاليوم ويكسب خبره ؟؟ والا يقعد عالقهوة يشرب السجائر ويدمر الصحة ويخسر فوق الخمسة جنية ؟؟؟
"اللي عايز حاجة بيعملها"
مش هقول حاجة أكتر من كدة
